Kwa mujibu wa kitengo cha tarjama cha Shirika la Habari la Hawza, Hujjatul-Islam Sayyid Sadruddin Qabanchi, Imamu wa Ijumaa wa Najafu Ashraf, katika khutuba zake za Ijumaa zilizotolewa katika Husseiniya Kuu ya Fatimiyya, alisema: uchaguzi wa leo ni mada moto katika Iraq. Maoni yetu juu ya uchaguzi huu ni kwamba, kwa mapenzi ya Mwenyezi Mungu na chini ya uangalizi wake, uchaguzi utafanyika kwa utulivu kamili.

Imamu wa Ijumaa wa Najafu Ashraf kuhusu usitishaji mapigano Ghaza alisema: sasa tumeingia mwaka wa tatu wa vita dhidi ya wananchi wa Ghaza, vita ambavyo vimesababisha mashahidi zaidi ya 60,000, wengi wao wakiwa watoto na wanawake, na baadhi bado wako chini ya majengo yaliyo poromoka.

Aliongeza kusema: utawala wa Israeli ukiungwa mkono kimataifa, ulipigana na silaha zenye nguvu zaidi zilizopo, lakini hatimaye ulishindwa na kuilazimisha kutumia mpango wa usitishaji mapigano.

Hujjatul-Islam Sayyid Sadruddin Qabanchi alisema: mpango huu una vipengele vya msingi, ikiwa ni pamoja na kuwa Israeli itaruhusu wafungwa 20,000 wa Palestina kuachiwa huru, na Hamas itaruhusu wafungwa 27 wa Israeli kuachiwa huru, pamoja na upanuzi wa Ghaza.

Alisisitiza kwamba: azimio hili lina vipengele ambavyo tunatumai vitatekelezwa, na kwa kweli, Israeli imeanza kurejesha nyuma wanajeshi wake. Hii inatufundisha kuwa nadharia ya Muqawama imeshinda dhidi ya nadharia ya kusalimu. Matokeo ya mwisho ni kushindwa kwa adui na ushindi wa watu walioteseka. Katika hatua ya pili, tunataka kuikanusha Israeli na kumtaja Netanyahu kuwa mhalifu wa kivita.